按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
今年7月美国一手同二手楼销售较去年同期减10％，如果扣除通胀，去年8月至今美国楼价已回落，而待售楼宇量正在增加。根据穆迪资料，约四千亿美元楼按喺今年内将以新按揭利率计息，明年更有二万亿美元楼按以新按揭利率计息。两年前楼按利率四厘，今天已超过六厘，改为以新按揭利率计息嘅话，供楼负担将一下子上升50％；反之，2000至05年美国中产阶级收入扣除通胀系减少4％而非上升，但负债却升咗唔少。
贝南奇安排楼价软着陆
停止加息系咪代表美国经济增长率今年首季见顶？联储局认为楼价回落压力最终将令CPI升幅重返1％至2％水平，至于结果系咪咁？走着瞧。
战后至今，美国经济只成功出现一次软着陆，就系1990年。贝南奇唔再加息，正系努力为美国楼价安排另一次软着陆。
有盛必有衰，一如有日必有夜。依家美国企业股息回报率只有一厘九，代表投资界仲系乐观（指长期而言），因为资金泛滥期今年5月刚结束，至今市场流动资金仍然充沛。8月8日已立秋，但天气仍然炎炎未有秋意，有几多人知道秋天今天已开始咗？道琼斯工业平均指数走势向上，但道琼斯交通平均指数方向向下，上述背驰现象代表投资者心里十五十六。最后系工业平均指数跟交通平均指数走抑或交通平均指数跟工业平均指数走？等市场话你知！通常大部分人猜测嘅方向都会出错。
潮起潮落，既带来财富，亦带走财富。1984至97年楼价狂潮，令唔少人富起来；1997年8月至2003年7月楼价暴跌，亦带走唔少人嘅财富。九十年代开始嘅科网热到2000年3月达到高潮，亦为唔少人带嚟财富；2000年3月科网股泡沫爆破，今天灾户一大箩。2001年起（或1999年起）嘅资源上升潮，系咪响今年5月见顶？暂时未能确志。发达容易搵食艰难，全世界所有富人都系潮流捕捉者，当潮起之时加入、潮退之前退出。刚形成嘅资源上升周期，唔少人已急不及待问〃下一浪系乜嘢？〃，太有耐性嘅投资者永远赚唔到大钱！我老曹只知道，上升嘅浪愈大，回落嘅浪愈急！大气候与小气候不因人嘅主观愿望而转移。
阿妈教落，学就学有钱人点样赚大钱，唔好学讨饭嘅人要碎银！所以我唔识教你点样喺股市中赚取10％利润，如果要赚便赚100％利润！寻找滔天巨浪而非微风细雨。作为投资者，通常睇错嘅时候较睇啱嘅日子多，一般都系六四分（即60％时间睇错、40％时间睇对）不过有问题，只要识处理便可，就系止蚀唔止赚。睇错时最多损失15％便止蚀离场；反之，睇啱唔赚100％利润又点舍得走？只有咁样，40％睇啱项目嘅回报才可抵销60％睇错项目外，仲带嚟可观利润。
人行话下半年经济仍然过热，因外资继续大量流入，继续推动投资快速增长，汽车、通讯产品、住房继续拉动经济，城市居民提高最低工资标准、公务员加薪等，亦继续刺激下半年经济增长。
清华大学EMBA特聘教授梁小民话，虽然央行已采取一系列紧缩措施，但相比拉动经济力量而言仲喺好有限。
7月份中国外贸盈余一百四十六亿美元，连续第三个月上升（6月份一百四十五亿美元）；出口升22。6％，入口升19。7％。今年首五个月外贸盈余达七百六十亿美元，较去年同期升51％。
内地住宅租务回报达7％
国美电器华北区总经理王辉文扬言，要把家电产品零售价全线拉低40％，三十二寸液晶电视将以三千元人民币低价出售及三十四英寸CRT（显象管）彩电售价接近，相信液晶电视将全面攻占显象管电视市场！担心日后显象管电视生产商未来冇好日子过。
7月份广州新建商品房住宅售价平均六千八百四十八元人民币一平方米，较6月涨四百六十八元或7。34％〃国六条〃限制外资炒楼，公布后深圳普通商品住宅楼依家售价七千一百一十九人民币一平方米，较公布前上升18。94％；豪宅每平方米售价一万三千二百六十三元，涨53。57％！未来70％土地将用作兴建九十平方米以下住宅，令日后豪宅供应更紧张！分析家话，下半年广州及深圳商品住宅房楼价下跌机会唔大。
8月1日起二手房征个人所得税20％后，二手房买卖一片淡静，卖家唔愿卖，买家亦抱观望态度；反之，国际地产公司（包括香港地产公司）继续进驻中国地产市场，主因系内地住宅物业租务回报达7％（工业楼更达10％），长揸无妨。连美国地产公司普洛斯亦响内地收购收租物业，并喺十二个城市有投资，计划五年内再投入二十亿美元，其他仲有新加坡腾飞基金管理公司、麦格理亚洲基金。睇嚟中国楼价愈管愈升。
中天国际（2379）停牌。
中新集团（563）8月18日；中国香精香料（3318）、上海置业（1207）、中大国际（909）21日；精熙国际（2788）22日；建设银行（939）24日；哈尔滨动力（1133）25日；科铸技术（2302）9月1日公布业绩。
曹仁超
PDF原文：
原序号：590序号：
40
标题：
停止加息未必好消息
来源：
信报
发布日期：
2006…08…12
全文：
8月11日，周五。恒生指数升27。89，收17249。95；成交额二百三十七亿五千四百多万元。期指升79点，收17265点。利丰（494）升4。7％，因半年获利升24％，至七亿六千四百万元，瑞信及德意志银行同时推介。上海电气（2727）跌11％，公司执行董事韩国璋和非执行董事张荣坤因个人原因正接受调查，与公司业务无关。TOM在线（8282）跌3。6％，公司宣布第三季营收可能较第二季下挫35％。
从国泰航空（293）今年上半年业绩，可睇到高油价唔系航空股出现亏损嘅理由，真正理由系管理不善。内地航空公司领导层应好好思考：同系高油价环境，点解人地纯利得以保持，而南方航空（1055）、东方航空（670）等有咁大亏损？
港交所近年手松咗
深圳及上海股市1990年开业，当年投资者满腔热情入市，1991年成交金额已上升三十倍，1992年更出现股市狂潮……。但1993年起内地股市问题百出，经整顿后，1994年股市再升到2001年，之后进入大熊市，跌市一直维持到去年年底。如阁下喺1993年1月投资深圳及上海A股，到2005年底能够打和离场已经十分幸运；反之，1993年1月投资恒生指数（当时6000点），至今升幅超过180％！1993年至今，明明中国GDP增长率高出香港一倍或以上，点解投资港股反而较内地A股获利一倍或以上？答案就系内地上市A股管理层唔少犯咗管理不善嘅毛病。内地比较上优质嘅股份亦宁可来港上市，而非喺内地上市。令人担心嘅系，香港监管机构近年系咪手松咗？由停牌机制、上市公司嘅非执行董事制度（一出事便纷纷跳船）、中小型证券公司财政状况等等睇嚟，香港股市嘅警戒讯号已响起，希望有关当局做D嘢！如果第一条防线失守，好易轮到第二防线。然后第三防线，结果港交所地位等同深圳、上海交易所，到时便好麻烦。金融中心地位建立唔易，失去却快，切记切记。
日本第二季GDP只升0。8％（事前分析家估计升2％），GDP增长率急速放缓，形成日圆进一步加息嘅机会下降，令日圆汇价受压，日股亦微跌，
8月8日联储局停止加息，相信美国加息周期告一段落，美国经济进入“高原期”（喺山顶上行圈圈）。过去亦有停止加息嘅例子可供参考，例如1974年5月、81年5月、84年8月、89年2月、95年2月同2000年5月，其中又以2000年5月嗰次跌得最甘，恒生指数由18000点跌至2003年4月8300点，不但跌咗三十三个月，跌幅更达53％。至于1974年5月嗰次，恒指由450点跌至同年12月150点，响七个月内恒指下跌66％（亦系我老曹喺股票市场投资嘅第一次惨败）。1981年5月至82年12月，恒指由1810点跌到676点，跌幅62％，时间长达十九个月。停止加息亦有上升日子，例如1984年8月遇上中英双方就香港前途谈判达成协议，恒指由750点升到1987年10月接近4000点，升幅430％，用咗三十八个月，然后出现股灾；1989年2月嗰次遇上内地发生六四事件，恒指喺四个月内由3300点跌落2000点，跌幅39％；1995年2月利率停止上升，恒指由7000多点升到1997年8月16820点，升幅140％。
过去三十三年停止加息后港股反应，有四次回落、两次上升。至于今年8月8日呢次又点？我地只可做事后孔明。根据过去历史，停止加息后，股市下跌嘅机会反较上升机会大；两次例外系1984年8月（上升理由系香港政治前景明朗，唔系因为利率回落）及1995年2月（因回归在即，各方皆努力营造回归前嘅乐观气氛）。历史话畀我地佑，停止加息并非乜嘢好消息，如以为短期会刺激股市上升，1987年9月亦曾停止加息，10月却出现股灾，同大家谂法刚相反！
另一值得注意地方系过去停止加息嘅水平，利率皆响六厘或以上，唯一一次唔系便系1995年2月，停止加息前利率只有五厘二五。1994年1月起跌市系受高利率影响，一旦停止加息，1995年股市便上升。由于今年5月前嘅情况唔系咁，喺短期利率停止上升前，长期债券息率已开始回落，到8月10日长债息率已较6月份低零点三厘。呢次停止加息后，股市最大可能性系进入拉锯战，咁样只好拣股唔炒市。
中国造船业估计有排做
值得注意嘅系，镍、铜、锌、黄金价格5月见顶回落，跌幅分别达26％、29。8％、27％及25％，上述跌幅唔似正常调整。虽然6月中金属价格开始反弹，但至今未重返5月高位，我老曹有D担心炒卖资源上升周期已响今年5月见顶。但由于走势上未出现一浪低于一浪，所以未能确认。
中国已系世界第二大石油进口国，每日进口原油三百万桶，占内地总消耗量43％。上述原油有90％由外国油轮公司承运，不但唔稳定，而且唔经济（日本进口石油80％由日本油轮自己负责运送）。组成运油船队系中国今后发展嘅策略，中国计划晌2010年建成运输七千五百万吨进口原油嘅船队，2020年建成运输一亿三千万吨进口原油船队，即中国起码需要五十艘超级大型石油运输船（VVLC），中国造船业估计有排做。但今天广船（317）股价已较两年前大幅上升。时机嘅把握有时好重要。
唔好睇小投资，投资系代表你家族嘅未来；成功嘅投资可令你嘅家族发扬光大，反之亦然，所以不能掉以轻心。2001年“九·一一惨剧”，我老曹响当年嘅投资研讨会曾鼓励大家投资，当年曾讲过“短期事件系唔会影响长期趋势嘅”，并推介大家乐（341）、九巴（062）、九仓（004）等股份，至今上述股份表现不俗。对于呢次伦敦恐怖袭击事件立场不变，即“短期事件喺唔影响长期趋势嘅”。长期而言纯利才系决定一间公司股价嘅最基本因素，投资者应选择纯利上升股。至于短期股价升降，则受两大因素影响。
情绪及资金流向系推动股价升降嘅其中两股力量，呢方面喺图表上可反映。例如形成趋势（trends）代表供求失衡；进入徘徊区（ranges）代表供求大致上均等。有时买家太多（例如65％睇好、35％睇淡）可以将股价推离趋势线，产生非理性亢奋，上升趋势维持咗一段日子后往往会出现呢个现象，但通常不能持久，可维持几天到数月，最后因情绪改变或资金流向改变而回落。如趋势线同时受破坏，由供不应求转为供过于求，便应该止蚀离场。
今天嘅问题系，美股2002年10月（港股2003年4月）开始嘅上升，到今年5月系咪已经完成？6月份调整幅度虽然好大，事后恒生指数仍创新高，但美股同日经平均指数便无法接近今年5月高价。7月份嘅上升似淡友平仓大于好友入市，8日恒指虽然创新高，但缺乏大成交额支持。后市展望，恒指应喺15200至17300点之间行range！
减税（唔系加税）系推动经济增长嘅上升动力。列根总统嘅减税政策，推动1982年起美国GDP增长；2000年殊仔嘅减税政策，亦阻止科网股泡沫破裂，对2001年美国经济造成进一步破坏，由于效果咁好，令政府今年决定将减股息税及资本升值税嘅日期延长至2010年，理由系减税后带嚟经济繁荣，令税收上升，今年财赤亦开始下降而非上升（去年美国企业纯利上升28。5％，系近二十二年内最高，形成今年税收上升，估计今年美国企业纯利仍可升12至15％）。反观香港特区政府，财爷却有意采用“穷咗市民、富咗政府”嘅销售税政策。只要市民有钱，政府唔怕穷（因为可以向市民借钱！）。做生意首重“开源”，“节流”系下策，只要公司赚得多，唔怕对员工好D；反之，刻薄员工嘅公司大部分都做唔大！
今年全球经济仍在增长，只系速度慢一D，因通胀压力正在上升。中国经济下半年无法慢下来，未来增长股此中求。
内地城郊居民继续错配
中国GDP高增长嘅来源。系拥有最少一亿三千万个打工妹，佢地愿意十二个人住一个房间，目的只系为咗每月赚取一百美元薪金（八百元人民币），而肯日夜工作。反之，喺美国，一百美元只系一天嘅工资！未来二十年中国仍有六亿五千万农民打算将佢地嘅女儿送到工厂去努力工作，赚取一百美元一个月收入！咁庞大嘅生产队伍。令中国产品可以廉价横扫全球。新一代打工阶级，学历可达大学程度，佢地愿意为三千元人民币一个月而努力工作！佢地嘅工作技巧加上述薪酬，将令中国高科技含量产品继过去轻工业产品之后，进一步侵占世界市场。呢类高技术工作人口嘅供应量每年达一千万。属于改革开放政策后才出生嘅新生代（1980年出生者刚完成大学进入社会做事）。
呢批生力军嘅加入，令中国出口产品进入转型期，由轻工业走向高科技，为中国赚取更多外汇。呢批外汇喺过去系透过国营银行借畀国企发展基建，如道路、发电厂、电讯网络等。1998年住房改革后，中国开始进入房地产兴旺期，通常一个楼市周期可长达二十八年（香港更长达三十年，由1967至97年）。换言之，中国楼市向上周期仍有大把日子；至于短期回落（例如香港1973、74年、1981…84年、1989…90年，香港楼市亦有短暂调整）。至于几时投入便木宰羊，呢方面需要极精细嘅资料搜集去协助作出决定，但大方向却十分清晰。中国新生代加入社会做事后，将来一定较上一代赚得更多。我老曹自己亦系香港移民第二代，父每喺1951年离开上海踏足香港，吃尽咸苦供书教学，令我地呢一代脱贫，成为中产阶级。上述情况2000年开始喺中国大城市重演，依家可能只完成第一个浪，例如香港1967至73年楼市第一个浪完成后，楼价调整升幅三分一，1975年起进入另一上升巨浪。
今年8月之后，内地建成嘅新楼宇以九十平方米以下为主，占70％；九十平方米以上只占30％。6、7月份销量最好系一百至一百三十平方米嘅住宅。从国土资源局资料睇，内地九十平方米以下嘅住宅单位供应将向郊区倾斜，九十平方米以上嘅住宅便集中晌市区内。不过，郊区交通配套、生活配套短期内无法满足居民生活需求，亦唔会吸引到购房者，担心将出现2003年9月后香港嘅现象！即香港豪宅售价过去三年升到你唔信；反之香港郊区楼如元朗、天水围、屯门一带升幅极之有限。因为小户型客户群才系对城市功能依赖最强嘅一个群体，理论上应该集中喺市区内，因市区内嘅城市功能相对完善。如观察美国大城市，市区内住嘅系低收入社群，因为佢地对城市功能依赖好大；美国中产阶级大部分住在郊区，因为空气好、环境清静，而且拥有汽车，因此对城市功能依赖好少（可揸车返工、揸车去巨型超市买日常用品、揸车去消遣）。内地城市发展刚刚相反，加上交通设施未完善，形成豪宅集中喺一环路、二环路一带；低收入者却去晒郊区，每天清早大量人口乘搭集体交通工具返市区上班；加上郊区城市功能设施不足，放工后亦挤喺市区中心内消遣，人山人海造成混乱；日后再加上九十平方米限制，将进一步加强上述错配。
买地可以发达？1930年有人响纽约曼哈顿区买咗一间 屋，今天已经发达；1880年有人晌美国西堪萨斯州买咗一个农场，一百二十多年过去，今天仍然唔多值钱，点解？主因系美国过去百多年不但由农业走向工业，再由工业走向金融，令金融中心纽约嘅地价、楼价一升再升；反之，美国农地则系咁先。
新地恒地投资农地最叻
七十年代初期农产品涨价亦有朋友去澳洲买咗个农庄。三十多年过